Julehiet blir til
Eg fekk ein idé om å lage eit “julehi”, som ein slags titteboks eller diorama. Som eit lunt og julepynta hi i skogen, der det kanskje bur ein liten alv eller ei skogmus..
Eg starta med ei pappøskje og kledde inn veggane med drivved, mose, kongleskjell og strie.
Så måtte det til litt møblering. Ein gyngestol med skammel blei lagd av drivved, pinnar og skinn. Eit lite bord av furuskjell og ein bitteliten oljelampe av perler. Stearinlys av q-tips og ei perle. Juletreet blei lagd av ein vintergrønn hagebusk. Julepynt av perler, farga papir og mini-pepperkaker.
For å lage bittesmå pepperkakehjerter, lagde eg ei form av ein telyskopp.
Pipa blei lagd av sugerør og ein plastdings (kork?) som eg malte med svart hobbymaling.
Så var det klart til å flytte inn. Det blei også eit veggur og ei peishylle. Golvet fekk teppe av ein pynteduk.
Så var det å ta ein tur ut i skogen for å finne ein bra hiplass. Innunder ei gran med store røter såg det lunt og fint ut.
Så var det å trylle litt i photoshop.. 🌟
Eg trur kanskje eg blir her til våren kjem.. ☺️
